夏灣夜市 － 凌晨仲有得食
近拱北口岸，成條街百幾個攤檔，開到朝早5點半。
🔻食咩好：
🔹財記潮汕腸粉：雞蛋蠔仔鮮蝦腸，腸粉滑、蠔仔飽滿
🔹東北大楊燒烤：羊肉串、烤茄子、韭菜，夠惹味
🔹恆生堂糖水：傳統中式甜點，食完鹹嘢啱哂
💡小提醒：周末勁多人，排長龍，想舒服食就平日夜晚去。
地址：香洲區夏灣路208號夏灣購物廣場
導航：「夏灣夜市」，停車位緊張
營業：21:45－05:30
2⃣
金鼎夜市 － 整齊好行 1蚊牛雜串
金鼎市場停車場夜晚變身夜市，分區清楚，有得坐低食。
🔻食咩好：
🔹乳山蠔 30蚊一打，現開現烤
🔹牛雜串 1蚊一串有交易，港式牛雜10蚊一碗
🔹湛江、湖南、東北燒烤任揀，仲有螺螄粉、手打檸茶
💡小提醒：夜晚10點前要到，太夜會開始收攤。
地址：香洲區唐家灣鎮金鼎金峰中路金鼎市場
導航：「金鼎市場停車場」，停車位充足
營業：18:00－01:00
3⃣
安堂夜市 － 學生飯堂 平到笑
珠海科技學院南門旁，人均20蚊有找，食到捧住個肚。
🔻食咩好：
🔹古早芋泥餅、鐵板魷魚、雞腿餅、醬爆豬手
🔹東北包飯、鍋包肉、四川涼拌菜、陝西肉夾饃
🔹砂鍋粥、滷味、壽司、糖水，樣樣都係街坊價
💡小提醒：部分攤檔衛生一般，揀多人排隊嗰間穩陣。
地址：香洲區安基路與福堂街二巷交叉口（近珠海航酒店）
導航：「安堂商業街」，附近有兩個停車場，停車位充足
營業：17:00－24:00
4⃣
摩爾夜市 － 商場+步行街 食完行街
由拱北口岸行10分鐘就到，摩爾廣場出面有成百個美食攤檔。
🔻食咩好：
🔹爆漿泡 菜豆腐、碳烤肉串、海鮮串燒
🔹麻辣燙、螺螄粉、臭豆腐、缽缽雞
🔹章魚小丸子、牛奶芋泥冰、珍珠奶茶
💡小提醒：近關口，部分攤位貴少少，建議行一圈睇價錢先買。
地址：香洲區迎賓南路2095號摩爾廣場步行街
導航：「摩爾廣場」，停車位充足，商場消費免費停3小時
營業：20:00－04:00
