【On.cc】陳煒性感亮相　唔想阿佘拍《正義女神》前傳：咁益佢

無綫劇集《正義女神》今晚（1日）大結局，總監製鍾澍佳率領台前幕後包括佘詩曼（阿佘）、陳煒、譚耀文、周嘉洛、馬貫東、蔣祖曼、劉倬昕、陳若思及倪嘉雯等，總動員現身商場觀看結局，場內坐了近400名嘉賓，場外及其他樓層則站滿數百粉絲，當中以阿佘的粉絲最人多勢眾，場面墟冚。

陳煒以綠色晚裝現身，打扮略性感，她稱不覺性感，並指服裝由老公為她挑選。提到《正義女神》於6月開拍前傳《模範律師團》，並由她擔任女主角，她坦言：「拍《正義女神》嘅時候聽佳導（鍾澍佳）講已經有呢個構思，因為佢覺得好多人都想知道高成彬阿媽（陳煒飾演）嘅故事，想知佢老公係邊個，有好多嘢可以寫。（你做女主角？）係咩，都係咁做。（話羅嘉良會出？）我都好期待，拍佳導嘅劇最幸運係可以同好多前輩合作，好似今次同阿佘合作，因為係阿佘，所以有啲場口先可以做到咬得咁緊，否則好多法庭戲未必有咁好效果。（有網民話覺得你成日睩大對眼？）都唔係，啲人都話我反白眼，其實都唔係。」

至於講到阿佘不會演出前傳，會否感美中不足？她解釋：「據我所知故事係講《正義女神》之前10年嘅故事，係講律師為主，阿佘係法官，所以冇佢。（希望佢客串？）咁益佢，梗係最難先畀佢做。（《正義女神》會唔會有續集？）聽佳導講好似考慮緊，睇阿佘。（怕唔怕你冇份？）可能未必用律師身份出現。」

陳煒性感亮相。

陳煒指服裝由老公為她挑選。

陳煒同佘詩曼合照。

陈炜