【On.cc】試真D︱吳業坤被江美儀連環狙擊　「超級小學雞」字體曝光

藝人江美儀、朱敏瀚、吳業坤、周嘉洛、曾展望主持的節目《試真D》今晚去到最後一集。江美儀、朱敏瀚與吳業坤出動探店，三人在品評有卵魷魚時，吳業突然問店主魷魚是男還是女的？結果令美儀氣至反晒白眼，大動肝心，連環狙擊吳業坤：「你究竟有冇讀書㗎喺香港」、「你除咗唱歌之外，仲識唔識字㗎」、「真係好失禮。」

經常「寸爆」吳業坤的美儀席間提到記得他愛吃魚腩時，又不忘窒對方：「我就記得佢啲嘢，佢永遠唔記得我哋啲嘢，我依家開始擔心你太太。」令吳業坤完全沒還擊餘地，在最後一集慘成箭靶的他還在節目大晒「超級小學雞」字體，令大家眼界大開。

另外，為答謝《試真D》粉絲支持，5人早前專誠合體齊齊回應網民各式各樣疑問，對於被問到拍攝期間是否真的沒有人認得﹖美儀笑言：「真係唔認得，因為首先我真係好醜樣，點解呢？因為佢哋冇燈嘅，唔會幫你打燈美顏，淨係靠部手機揸住入去㗎啫。」吳業坤搭訕說：「即係有盞燈就靚㗎喇。」搞到美儀反晒白眼，嘉洛仔見狀即急忙幫忙打圓場：「你本身都好靚㗎喇。」朱仔則取笑吳業坤：「你不斷搵位自殺嘅？」有網民問到5人會否覺得節目有貶意，朱仔則正色回應：「冇，我哋有個宗旨，一間再好嘅餐廳都有佢唔好嘅地方，一間唔好嘅餐廳都會搵到啲好嘅地方，我哋盡量中間攞個平衡。」吳業坤亦難得正經說：「TVB真係難得有個咁創新、唔係淨係讚嘅節目。」

吳業坤問錯問題。

搞到江美儀反晒白眼。

吳業坤被江美儀連環狙擊。

慘到爆！

食嘢先！

吳業坤「超級小學雞」字體曝光。

最後一集啦！