【On.cc】《正義女神》推閃卡首批沽清　佘詩曼親筆簽名谷銷量

由流量女神佘詩曼領軍，演員陳煒、周嘉洛、戴祖儀、馬貫東等主演嘅劇集《正義女神》已進入結局周，無綫決心闖進軍集換式卡牌市場，早前透過總監製鍾澍佳於活動上宣布推出《正義女神》限定收藏卡，一盒140張，共1800盒，當中16款有演員簽名，甚具珍藏價值。依家《正義女神》閃卡正式面世，激發粉絲經濟的潛能！

《正義女神》限定收藏卡已推出。

大家都想要佘詩曼親筆簽名卡。

唔係咁易拎到㗎。

收錄劇中高光場面、角色造型及劇照，當中最矚目的是16款極稀有星級親筆簽名卡，包括佘詩曼、譚耀文、陳煒等主演親筆簽名。該系列卡牌限量1,800盒，每包售價28港元（含5張隨機卡片），每盒10包定價280港元，於多個地方出售，首批於網上開售僅15分鐘即告全線沽清。

為谷銷量，無綫亦搵嚟劇中多位藝人拍開箱片，當中就有周嘉洛同鍾澍佳即場開盒拆卡，周嘉洛更現場親筆簽名加多幾張特別卡，令人興奮。而見大部分藝人最恨收到都係「言官」佘詩曼閃卡，個個一抽到都嗌出嚟，成個小粉絲咁。

首批於網上開售僅15分鐘即告全線沽清。

今次搵周嘉洛同鍾澍佳即場開盒拆卡。

周嘉洛即場加簽多幾場。

進軍集換式卡牌市場。

睇嚟又賺一筆。