【On.cc】草蜢感激胡楓慰問病況　猶如父親般愛鍚感溫暖

草蜢昨晚（28日）在紅館為「THREE IN LOVE草蜢演唱會2026」第2場演出，全場爆滿。前輩胡楓、好友張衞健、蘇永康、關心妍、余香凝等捧場，更與觀眾一齊玩人浪和跳舞，非常熱鬧。蔡一傑在台上獨唱《失樂園》後稱感謝自己患病期間，得到一位前輩溫暖的關懷，他說：「有一位朋友喺我患病期間，隔4、日左右打電話嚟問我：『點樣呀？你情況如何？身體好嗎？有冇覺得咩唔舒服？』又隔4、5日短訊我，天氣轉變又會話：『傑仔，呢個時節乍暖還寒，你要多加注意，着多件衫呀！』我感覺到好溫暖。呢位好朋友長輩、前輩就係胡楓。」

草蜢開唱第2場演出。

傑仔續向坐在觀眾席上的胡楓表示感謝，覺得對方的溫暖，令他好像多了一個爸爸愛錫他，傑仔說：「前年我爸爸走咗，我好多謝你，你當我仔咁看待、錫我、關心我，成日問候我。我真係唔好意思，我應該要成日打電話畀你，問候你先至啱。我好開心，感受到好似多咗個爸爸，多謝你，修哥，I love you！」

勁歌熱舞。

全場爆滿。

張衛健和蘇永康捧場。