46歲張美妮童心大解放 短打上陣晒少女腿 靠6招凍齡保青春.索爆人母張美妮雖然已經46歲，但靚樣同身材都Keep得非常好，凍齡有術。近日佢喺社交平台大曬靚相，留言：「Loving this pink mood，Pink carousel，趕上潮流我又學人反V手勢影相，見到個佈置忍唔住賣萌。」相中見佢童心大爆發，以短打上陣大晒白滑長腿，坐上回旋木馬影相，仲擺出潮爆嘅反V手勢，少女味濃，網民紛紛大讚：「咁少女得唔得㗎」、「媽咪，你太少女啦」、「美妮好可愛。」

張美妮曾經分享凍齡6大秘訣：第一，運動唔止練身材，仲令身心變年輕，流汗時煩惱都會消失；第二，防曬好重要，擋紫外線比任何保養都實在，每日堅持，歲月會溫柔對待你；第三，食得健康比貴價保養更有用，少糖少油、多菜多蛋白，身體會用狀態回報你；第四，保持熱情不停探索，出去見世界，心會更年輕，心態唔老狀態就唔老；第五，情緒穩定，心寬臉就柔，少焦慮自然顯年輕；第六，瞓好覺係最有效嘅凍齡術，唔熬夜、唔內耗，氣色同精神騙唔到人。TVB