雙方比賽節奏唔算好快，費倫天拿喺經歷完歐洲賽事，個別球員轉數都明顯有跌watt。文達哥拿同法基奧利喺攻防兩端都交到功課；積夏理遜入咗球靚波。

萊切嘅前鋒線疲軟問題，或最終影響到球隊能否護級，追和嘅入波由兩位後防泡製。阿爾巴尼亞中場拉馬丹尼（Ylber Ramadani）同毛里塔尼亞球員尼古莫（Oumar Ngom）表現最出色，迪法蘭西斯高作出輪換，由捷迪拿（Walid Cheddira）頂替史杜歷，呢位摩洛哥今季上陣16次上陣，首次獲得正選機會。

祖雲達斯一開波就展開高位逼搶嘅戰術，令原本抗壓能力一般嘅博洛尼亞後防瞬間崩潰。莊拿芬達維取得個人今季聯賽第6個入波；基夫倫杜林（Khephren Thuram）下半場嘅頭槌都非常精彩。干斯卡奧至少獲得兩次反越位單刀機會，其中一次就食詐糊。文奴爾盧卡迪利充滿想法；荷姆（Emil Holm）有一腳好靚嘅遠射，可惜就中楣。

博洛尼亞要去到換邊後先有所好轉，5次埋門都出現喺下半場。伊泰利安奴作出嘅調動係有效果，路維嘅埋門中柱彈出相當可惜。

意甲第33週賽事賽果-薩斯索羅2-1 科莫國際米蘭3-0 卡利亞里烏甸尼斯0-1 帕爾瑪拿坡里0-2 拉素羅馬1-1 亞特蘭大基蒙尼斯0-0 拖連奴維羅納0-1 AC米蘭比薩1-2 熱拿亞祖雲達斯2-0 博洛尼亞萊切1-1 費倫天拿

Serie A祖雲達斯 🇮🇹