堅斯基（Antonin Kinsky）係熱刺表現得最好、最勇敢嗰個，樸羅（Pedro Porro）係另一個較好，雲迪芬嘅遭遇有啲唔好彩。迪沙比著重控球、組織嘅理念，都真係需要多啲時間先灌輸到俾球隊。

整場比賽雙方嘅開放性踢法好刺激，梅基利（Nordi Mukiele）嘅入波令佢成為孤膽英雄，辛德蘭自2010年（事隔16年）首次擊敗熱刺，後者賽後都正式跌落降班漩渦。

兩支需要應戰歐羅巴聯賽嘅球隊對碰，維拉喺相對被動嘅情況下取得領先。佢哋嘅進攻都比主隊入肉，但偏偏就無辦法擴大比數。

尼高威廉士嘅妙極處理，促使森林能夠追和比數兼攞番護級之路嘅重要一分。

古卻利拿一度為車路士取得領先，但係入球越位在先食詐糊。山齊士（Robert Sanchez）要為第三個失波負主要責任，手拋球選擇令卡些度（Moises Caicedo）需要面對三人夾擊，處境極其尷尬。

賽前採訪，哥迪奧拿責怪記者唔好成日講阿仙奴先，車路士場波都未踢，佢哋都唔係容易應付。古希攻入加盟曼城嘅第一粒英超入波，不過本場貢獻兩次助攻嘅查基表現就更加出眾。曼城繼續係踢少場，不過賽後積分已經同阿仙奴收窄到6分，而4月19號嘅次回合交手- 幾乎可以決定本季聯賽冠軍嘅天王山之戰註定唔可以走雞。

英超第32週賽事賽果-韋斯咸4-0 狼隊阿仙奴1-2 般尼茅夫般尼0-2 白禮頓賓福特2-2 愛華頓利物浦2-0 富咸諾定咸森林1-1 阿士東維拉辛德蘭1-0 托定咸熱刺水晶宮2-1 紐卡素車路士0-3 曼城曼聯🆚列斯聯（稍後時間進行）

English Premier LeagueEPL 🏴󠁧󠁢󠁥󠁮󠁧󠁿