《正義女神》吳文懿演路人甲曾自我懷疑 邊做按摩店接待邊等開工.吳文懿在TVB新劇《正義女神》中飾演一名棄嬰母親，一場兩分鐘零對白的戲份感動不少觀眾，更有人在網上搜尋她的名字。這位飾演悲情媽媽的演員，原來曾是210磅的「肥妹仔」。她接受訪問時透露，花了3年時間靠運動和飲食慢慢減至現時的110磅，對比強烈。談到入行後的掙扎，她坦言自己一邊在按摩店打工，一邊做TVB藝人。

吳文懿憶述剛從藝訓班畢業、加入TVB初期，只獲安排飾演「路人甲」，曾一度懷疑自己是否真的在「做演員」：「我係咪喺度演緊戲？中間有一段時間好唔開心，永遠都冇人留意同搵我，我係咪咁差呢？」但她坦言因為太喜歡這一行，轉念一想，可能是自己能力不足，於是決心努力做好每一個角色，不論大小。

對於TVB藝人來說，單靠公司收入未必足夠。吳文懿透露自己有做兼職幫補：「好彩有個朋友肯畀我返佢間舖頭，做按摩店接待員。佢話冇乜嘢做就可以返去，因為隨時可以有嘢做。但如果喺出面打工，要提前兩個禮拜交更表，我點畀到？隨時兩日後《愛回家》又要我做。」

被問到有無客人叫她落場按摩，她笑說：「冇㗎，因為我返工個樣都幾kam，素顏戴眼鏡，都冇人留意到我。（有冇人認得你？《愛回家》個工人姐姐？）哈哈，冇喎，但係有人喺網上相認，面對面就冇。希望過咗今日有人認得我啦。」

吳文懿體重高峰期達210磅，被戲稱為「吃貨」。為了追逐演員夢，她憑極大毅力，花約3年時間成功減去100磅至110磅，五官變得標緻甜美，獲網民封為「翻版苟芸慧」。她對此表示感謝，並視苟芸慧為身形目標。

吳文懿小檔案

- 入行途徑：2022年第32期TVB藝員訓練班畢業

- 減肥血淚史：210磅 → 110磅，靠運動及飲食控制，歷時3年

- 綽號：「翻版苟芸慧」

- 參演劇集：《正義女神》（飾演棄嬰母親麥珊珊）、《虛擬情人》（飾演戴愛心／心心公主）、《新聞女王》（飾演溫祉成）、《逆天奇案2》、《奔跑吧！勇敢的女人們》、《飛常日誌》、《神耆小子》等TVB