戴祖儀中六寫下首支創作歌曲 夢中解題靈感乍現：毛管戙.戴祖儀（Joey）入行七年，憑甜美外表、法律系學霸背景及招牌長腿，一直深受粉絲喜愛。不少人眼中她是「人生勝利組」，但她坦言成長路上其實遇過不少「陷阱」。近日她接受專訪宣傳新歌《成長是個陷阱》，罕有剖白內心傷痕，從小學遭欺凌到入行後被女藝人抹黑「被包養」，甚至親眼撞破男友出軌的崩潰經歷。

戴祖儀透露，新歌《成長是個陷阱》其實是她人生第一首創作作品，寫於中六備戰DSE時期。「嗰兩年生活只有溫書、考試，壓力好大。屋企比較嚴，好多課外活動都唔准玩，每日對住四面牆、筆同書。」她憶述當時每天溫書到凌晨，唯一的娛樂就是獎勵自己看一集《蠟筆小新》。在這種壓抑下，她拿起結他寫下這首充滿「控訴感」的作品，最初填的是普通話詞，因為覺得廣東話押韻太難。

為何等到現在才推出？她解釋歌曲兩年前已錄好，但一直未被公司選中，直到最近開會主動推薦，這顆遺珠才得以面世。她希望透過歌曲告訴大家：「唔好因為外界嘅框框而限制咗自己，人生有好多辛酸同陷阱，但唔好驚，要繼續勇往直前。」

戴祖儀為滿足父母期望讀了法律系，畢業後卻選擇加入娛樂圈。「完成使命就要去闖，試自己鍾意做嘅嘢。」她坦言若可穿梭時空，仍會選同一條路，因為在TVB學到很多，眼界也大開，「雖然有辛酸，但值得。」

回想實習律師的日子，生活只有文件和客戶糾紛，晚上她就去Busking，「嗰種生活落差好大，令我更肯定自己鍾意表演。」父母見她能養活自己又畀到家用，也逐漸放心。

娛樂圈是非多，戴祖儀直言見識過不少陷阱。「人多嘅地方就多閒言閒語，有時人哋整個陷阱畀你跳。」她分享一個深刻經歷：「我由細到大都同爹哋媽咪住，但入行頭一兩年，竟然有位女藝人周圍同人講，話我住嗰度有老闆。（即係話妳被包養？）我當時好嬲，點解大家女仔要咁樣作故仔去對待另一個女仔？而且我係公認唔需要被包養㗎。」

除了被抹黑，戴祖儀也反省過自己年輕時的莽撞。她曾因急於爭取機會，跳過直屬上司直接找高層，結果引發不滿。「嗰時我咩都唔識，覺得我要努力令件事發生，但原來會令中間嘅人好唔高興，覺得我唔尊重佢。」她說這些經歷令自己變得成熟。

戴祖儀特別感謝好姊妹吳若希。初出道時她什麼都不懂，吳若希像大姐姐一樣照顧她，叫她過去一起企位，又提醒她不要什麼都講出來，「唔係所有人都係真心好朋友，要識得分辨。」她至今仍非常感激。

戴祖儀自爆小五轉校時，因成績好、運動佳又得老師喜愛，引起學校「大家姐」不滿，遭下令全校孤立。「每日返學都好唔開心，踩單車返學嗰段路，就係步入地獄嘅路。」雖然未至於被打，但這段經歷影響深遠，也磨練出她堅強的性格。她勉勵大家：「你最大嘅報復，就係將來成功過佢一百倍。」

戴祖儀坦言偶爾會出現不明原因的焦慮，深夜驅車外出暴食，「唔係肚餓，係要有味道嘅嘢。我試過凌晨兩三點揸車出去買零食。」她習慣把不開心屈在心裏，以為無事原來有事，後來才知這叫「討好型人格」。

由歌手身分入行，如今拍劇、綜藝多棲發展，有人說她定位模糊甚至「四不像」。戴祖儀豁達表示：「以前圈子較單一，而家反而無呢個掣肘，多咗好多嘢可以試。」她直言歌又喜歡唱，戲又喜歡演，節目又喜歡玩，但就是欠一個代表作：「無論劇定歌，都好希望有一樣嘢係令人即刻諗起戴祖儀。」

她自薦想演古裝戲，因為細個好鍾意睇《金枝慾孽》，每次睇到定晒型，媽咪嬲到剪咗電視天線，全家幾年無電視睇。「我人生有個好大嘅希望，就係可以演一次古裝，最好係演娘娘或者臣妾，因為我好想叫一次『皇上』。」

單身三年的戴祖儀，憶述曾遇「渣男」劈腿。她很記得當日是初三「赤口」，與媽咪細佬在朗豪坊搭長扶手電梯落樓時，親眼見到當時男友拖着另一個女生的手。「嗰種震驚、難以置信，係反應唔到。電影嗰啲Filter係啱㗎，所有嘢變白色，聲音好似喺水底。」她強忍淚水，最終選擇灑脫分手：「一次不忠，百次不容，No！」

踏入適婚年齡，父母曾催婚：「妳唔係諗住40歲先生仔啊？」她笑答：「40歲都唔錯喎！」她透露多位師傅說她子女宮最靚，「唔生小朋友係對呢個世界嘅侮辱」，所以一定會生，但目前享受自由，對愛情「不抗拒但唔會特別追求」。擇偶條件方面，她笑言由「外貌協會會長」降級為會員，順眼就得，最重要錫她和溝通到。

戴祖儀最近挑戰由陳恩碩監製的音樂劇《Nancy戀噏Show》，要唱十多首歌。她坦言最難是現場即時掌控觀眾反應，「我唔容許發台瘟，因為好瘀皮，不過失誤有時都係搞笑位，希望我識得執生。」

對於外界稱她「有錢女」、「小富婆」，戴祖儀再次澄清家境只是中產，爸爸是打工的建築師。她無奈表示：「話我『唔憂做』、『做唔做到都無所謂』，我覺得係誤解。我屋企只係中產。」她承認初出道時試過豪擲六位數買畫，但疫情後消費觀改變，「而家買支水都要諗過」。TVB