2020/21 球季贊保路帶領拖連奴21場比賽，贏咗4場7場打和輸咗10場，結果被辭退，由尼高拿接替。

2025/26 球季尼高拿帶領基蒙尼斯最後15場，4場打和11場輸無贏過，結果被辭退，由贊保路接替。而佢帶領基蒙尼斯嘅第一場意甲比賽贏波 （2014/15 球季贊保路曾經帶領基蒙尼斯征戰意丙），世事就係咁難以捉摸。

基蒙尼斯歷來第一次喺意甲擊敗帕爾馬，佢哋改變咗陣式，踢接近 4231 ，尼高拿年代喜歡用嘅挪威中場圖斯比同高大前鋒祖歴都退居後備。球隊更着重控球同地面組織，最終控球比率有48% ，傳球次數只係少 11 次。中場瑪利（Youssef Maleh）入咗世界波，雲迪普迪（Jari Vandeputte） 嘅組織同用波都唔錯，初步感覺球隊嘅轉型同改變風格有一定成效。球隊贏波上到17位，同18位嘅萊切同分。