【On.cc】蔣祖曼大讚周嘉洛演出合格：佢好努力又認真

藝人蔣祖曼與周嘉洛今日（20日）現身劇集《正義女神》在內地的宣傳活動，兩人在劇中飾姐弟。嘉洛被指在宣傳片中似奸角，他稱自己飾演法官，性格比較細膩，但強調不會做犯法事，又謂：「咁認真嘅角色係第一次做，一直都好想做，所以好感恩，有拍檔幫忙先可以演到呢個角色嘅神髓。（擔唔擔心觀眾仲係覺得你喺劇中係搞笑？）冇辦法，因為金城安（《愛．回家》角色名）嘅角色實在太深入民心，我有留意大家對近新劇嘅反應，都係好正面同友善，唔緊要仲可以改善。」

蔣祖曼和周嘉洛劇中飾演姊弟。

而蔣祖曼大讚細佬演出好合格：「拍攝時感受唔到佢搞笑，佢好認真，佢睇完回放覺得唔滿意，會要求拍多一次，佢好努力。」講到兩人的對手戲，她大爆劇中經常被對方鬧，問到嘉洛會否擔心因角色而被觀眾鬧？他稱已有心理準備：「唔止呢個位，好多地方好大機會畀人鬧，不過唔緊要，最重要有討論度。（鬧家姐會有報應？）拍完後，條腰骨痛咗兩星期，呢啲係報應。」

現場身穿貼身衫的嘉洛胸肌澎湃，問他是否為宣傳新劇而準備騷肌？他否認：「絕對冇咁嘅事，只係近期同張振朗、朱敏瀚一齊操。（劇集成績好會派福利？）完全唔會，冇咁諗過，呢套劇好正經。」至於蔣祖曼之前跟佘詩曼（阿佘）在《新聞女王2》中被網民推為CP，今次再在《正義女神》中合作，她表示：「本身係拍《正義女神》先，我哋對手戲唔多，當時覺得佢係好嚴肅嘅人，所以拍攝時我好緊張，但後來拍《新聞女王2》先發現阿佘好玩得。」嘉洛更形容阿佘是全方位女神及爛玩仔。

周嘉洛爆肌現身。

蔣祖曼實力母庸置疑。