官方🚨：意大利國家隊隊長唐納勞瑪（Gianluigi Donnarumma）獲頒 2025 年 FIFA The Best 最佳男子守門員獎。呢個係「唐老鴨」 首次贏得該獎項，佢曾於2021年屈居第二，當時該獎由車路士嘅歐聯冠軍龍門文迪（Edouard Mendy）奪得。今次獲獎係繼他於金球獎頒獎典禮上獲得Yachine Award （耶辛獎）後再添榮耀。唐納勞瑪擊敗咗多位頂尖對手，包括利物浦嘅艾利臣碧卡（Alisson Becker）、阿士東維拉嘅馬天尼斯（Emiliano Martinez）、拜仁慕尼黑嘅紐亞（Manuel Neuer）、阿仙奴嘅拉耶（David Raya）、國際米蘭嘅蘇瑪（Yann Sommer），以及巴塞隆拿嘅施薩斯尼（Wojciech Szczesny），最終脫穎而出。佢喺過去一年最耀眼嘅表現，來自於效力巴黎聖日門期間，喺5月底嘅歐聯決賽中以5-0大勝國際米蘭。隨後佢轉會加盟曼城，目前球隊喺英超積分榜上排名第二，僅落後於榜首阿仙奴兩分。呢位前AC米蘭守門員成為自 2017 年該獎設立以來，係第二位獲此殊榮嘅意大利龍門，首位得主為 「小將」保方（Gianluigi Buffon）。值得一提嘅係，意大利與巴西係目前僅有嘅擁有兩位唔同守門員獲得此殊榮嘅國家（保方與唐納勞瑪，以及艾達臣與 艾利臣碧卡）。FIFATheBest 最佳守門員 意大利國家隊 PSG YachineAward FIFA2025——————————————————————————此外，2025 FIFA the Best 年度最佳十一人亦已出爐，巴黎聖日門6位球員入選，而前鋒奧士文迪比利獲選世界足球先生，領隊路爾斯安歷基獲選最佳領隊，成為超級大贏家！守門員- 唐納勞瑪（巴黎聖日門/曼城/意大利）；後防- 紐奴文迪斯（巴黎聖日門/葡萄牙）、雲戴克（利物浦/荷蘭）、柏祖（巴黎聖日門/厄瓜多爾）、艾舒拉夫（巴黎聖日門/摩洛哥）；中場- 柏迪（巴塞隆拿/西班牙）、域天拿（巴黎聖日門/葡萄牙）、比寧咸（皇家馬德里/英格蘭）、高爾彭瑪（車路士/英格蘭）；前鋒- 奧士文迪比利（巴黎聖日門/法國）、耶瑪（巴塞隆拿/西班牙）世界足球先生- 奧士文迪比利（巴黎聖日門/法國）世界足球小姐- 艾妲娜龐瑪荻（巴塞隆拿/西班牙）最佳領隊（男子）- 路爾斯安歷基（巴黎聖日門）最佳領隊（女子）- 瑋蔓（英格蘭）最佳守門員（男子）- 唐納勞瑪（巴黎聖日門/意大利）最佳守門員（女子）- 漢娜咸普頓（車路士/英格蘭）普斯卡斯獎- 蒙迪爾（獨立）馬達獎- 莉絲彼芙奧華莉（堤格雷斯/墨西哥）公平競技獎- 夏拉斯紐京治（Andreas Harlass-Neuking） 特別獎- 沙高SC（Zahko SC）球迷