【On.cc】羅子溢演大男主劇好神秘　同郭晉安爭視帝緊急拉票藝人羅子溢與蔡潔今日（13日）出席無綫新劇《枱底》開鏡拜神儀式，由於劇情相當保密，子溢笑言只能答「唔講得」、「唔好提」，唯一知道自己飾演有錢仔角色：「難度好高，因為同現實相差太遠，同埋要諗點可以同之前演繹唔一樣。」蔡潔透露新劇屬亞洲劇，有很多非香港藝人參與，除了香港，還會到內地及馬來西亞拍攝，她有機會在劇中講不同語言，她開心謂：「係好新鮮嘅組合，監製話我個角色喺表演上好高難度，我都好期待。（使唔使學定馬來西亞語？）預計都要學少少。」講到今次屬大男主劇，子溢備受公司力捧，他謙稱：「唔係，我只係其中一個角色，大家太抬舉，我會珍惜每一個機會。（新年都要開工度過？）我無論係新年定係其他願望，都係想多勞多得，唔好休息。」提到他與郭晉安均憑《金式森林》提名最佳男主角，最近郭晉安離巢無綫，子溢被指贏視帝機會大增，他即時拉票：「好緊急，我需要大家每一票，希望觀眾支持同畀機會我。（信心係咪大咗？）一定要有信心，角色成功並非我一個人嘅努力，要靠好多演員同編審，而且好幸運，我個角色比較多人鍾意。」問到會否派福利拉票？他笑言：「我零用錢唔夠。（向太太楊茜堯要求加錢？）我入紙申請中。嚟緊我會同幾個男藝人一齊拉票，我都會送少少聖誕禮物畀大家，一半為拉票，一半想帶歡樂畀大家。」談到蔡潔主演的網大《驅魔龍族馬小玲》，改編自亞洲電視經典劇集《我和殭屍有個約會》，被網民狠批毀經典，她自言《我》劇也是她心目中的經典：「記得當年我係初戀時失戀睇，邊睇邊喊，係冇可能超越，所以我接拍時冇諗住去比較，而係當一個新角色去做，觀眾一定係好愛經典，我好多朋友話睇完《驅魔龍族馬小玲》，想重溫番《我和殭屍有個約會》。」羅子溢演大男主劇劇情乜都唔講得。開鏡拜神。今次做有錢仔。同蔡潔會擦出咩火花？蔡潔要學定馬拉話。今次角色好難演。子溢一拖八。