【On.cc】楊千嬅開唱陪伴港人共度時艱　哽咽：依家經歷一個黑暗時期楊千嬅一連6場《Live MY LIVE 2025》演唱會昨晚假紅館深情啟航，原定歡慶她出道30周年的音樂盛會，因應香港經歷大埔宏福苑火災創痛之際，用30年的經典歌曲，以音樂與生命感悟為概念，轉化為一場療愈心靈的集體陪伴。千嬅及其圑體除捐出善款支援受災者外，頭場演唱會上，一口氣唱了25首歌， 坐上空中飛船，唱完演唱會主題曲《Live MY LIVE 》才降落跟觀眾打招呼。踏上久違長達7年的舞台，千嬅未語先哽咽：「我返嚟啦，我好掛住你哋，嘩，好耐冇講啦，山頂嘅朋友！大家好！好多謝今晚每一位特別觀眾，嘩，我要冷靜啲先......」在歌迷觀眾歡呼聲中，她深呼吸後繼續說道：「開騷前諗咗好多嘢，心情好複雜但又好期待，諗緊我好多嘢想講，但當我走上舞台，我先發現....咩都唔使講，要講、要表達嘅全部喺晒我音樂歌詞裏面。」楊千嬅用歌聲療愈港人心靈。她坦言心情複雜。表達對當下香港的關懷。面對台下「我哋撐你！」、「愛你！」、「好靚啊！」等等呼喊此起彼落，千嬅亦乘機與歌迷分享了她對人生的新理解：「感謝大家喺我呢30年音樂人生一路陪伴我...」觀眾大叫「唔好喊」， 千嬅強忍淚水： 「我今日好叻㗎啦，好想講只有兩個字『感恩』 ！好感謝你哋， 好感謝我過去嘅日子，感謝每一位愛我的人 ，我家人...，人真係要學識感恩。活到半百，我用咗歌手身份、音樂，呢個方法去認識自己、領悟人生。30年後今日，我終於領悟到，我要回饋我領悟嘅，畀所有支持我、愛我嘅人。」千嬅謂領悟『陪伴』的重大意義，話語中亦充滿對當下香港的關懷：「『陪伴』正正係在坐每一位都好需要。人生流流長，總會有黑暗及唔開心、係好大創傷時侯，我哋最需要係『陪伴』。」又指「當你好痛苦，我都試過，係無法控制自己，睇開啲放低，放唔到嘅。好痛苦好傷心時，係聽唔到任何說話。但有人默默坐係身邊，有人『陪伴』，就已經係心靈重建第一步。」千嬅語帶哽咽：「我哋依家經歷一個黑暗時期，我相信『陪伴』，可以互相守護大家的心。心靈創傷，要支持及時間修復。『陪伴』可以畀你好多愛，希望每一位朋友，可以一齊團結，用無私嘅愛，無分你我、不分高低、冇分愛恨。我相信『陪伴』，香港可以互相度過最艱難時候。」千嬅在安歌部分，唱了6首經典歌，現場觀眾全體齊大合唱，場面溫馨感人，最後她以《楊千嬅》一曲作結，含淚道出最深切的感謝：「最後我要多謝各位，多謝你哋咁多年比咗陪伴我。等我見到光，我可以行番返嚟。流過眼淚，可以載起一條船，帶我返嚟。每次唱演唱會，我都當係最後一次。總之，我想做好所有嘢，回饋番畀支持我嘅人。好感恩。」引來全場觀眾高呼「我哋多謝你，愛你」。千嬅希望陪伴大家共度時艱。走過黑暗時期。一度哽咽。場面感動。