【On.cc】為保護「妹妹」陳曉華擋車慘死　唐嘉麟獲封MVP：死得有價值無綫台慶劇《金式森林》明晚（14日）迎來大結局，近日劇情愈來愈緊張，在昨晚一集中，劇中飾演陳曉華哥哥的唐嘉麟為保護妹妹捨身「擋車」慘死，感動萬千網民，更被喻為是全集的MVP。對於在結局周彈出兼獲封MVP，唐嘉麟接受無綫訪問時笑言：「我咁多套劇，從來未試過死得咁有價值，好多謝大家鍾意林耀呢個角色。」並謂很感恩今次監製林志華令他讓觀眾看到自己做壞人及搞笑以外一面。他又指為了令角色死得更有價值，設計角色時刻意於開段演得「衰格」一點，讓觀眾更能感受因反差而帶來的震撼：「我希望做出嚟個反差大少少，觀眾睇到我死會更加驚訝。」唐嘉麟為保護「妹妹」陳曉華慘死，感動萬千網民。兩人合作多次，唐嘉麟大讚陳曉華好專業零包袱。唐嘉麟透露曉華在片場唔食飯都要睇分場去揣摩角色。而唐嘉麟與「妹妹」陳曉華已非首度合作，二人之前曾合作《迷網》及《異空感應》等，故這次合作事前無需特別溝通已默契滿滿：「我同曉華都識咗好耐，所以我真係好錫佢，真係當正佢係我個妹，佢都好畀到阿妹嘅感覺我。我好欣賞曉華一路以嚟都好冇港姐嘅包袱，無論幾污糟、幾辛苦、或者要打生打死，佢全部都好畀心機去做，有時佢情願唔食飯都要睇晒啲分場去揣摩自己個角色，呢個妹好勤力、好值得欣賞。今次拍《金式》我最難忘係，我撞車嗰一幕，佢真係喊得好淒涼，我覺得好似真係有個妹好唔捨得自己咁，搞到我死咗都想喊。」另外，昨晚的撞車戲還有另一大亮點，就是飾演高深的羅子溢發現飾演林澄的陳曉華的座駕被撞毀兼停在路邊後，即極緊張跑出車門兼大叫「澄！澄！」，這是高深首次以「澄」代替「方太」稱呼林澄，而當看到林澄為哥哥哭得撕心裂肺，高深流露出極心痛的表情之餘，還一度嘗試觸碰林澄予以安慰，可惜最後還是放棄，這都是高深對林澄「愛得含蓄」的表現。其實《金式》在內地播映期間，高深與林澄這對「高顏值深澄CP」已甚為入屋，有網民更坦言期待二人再度合體開拍《金式》續集，監製透露高森對林澄的「守護性深情」，是子溢主動構思的設定，皆因他覺得在這兩個角色身上加入微妙的感情元素，能令觀眾看得更投入，亦令結局周劇情更淒美動人。「高深」羅子溢跟「林澄」陳曉華之間的感情亦是亮點之一。見到林澄哭得撕心裂肺，高深在身後流露出極心痛的表情。高深對林澄「愛得含蓄」。「高顏值深澄CP」在內地已甚為入屋。