【On.cc】陳煒罕談父母離世內疚到喊醒　性格致人生最大遺憾藝人陳煒最近夥拍宣萱合作台慶劇《巨塔之后》互飊演技再成熱話。近日陳煒罕有談及已故父母，坦言心中充滿遺憾。佢又提到好多嘢都係性格使然，雖然有機會可以扭轉，但佢選擇維持現狀，結果造成無法彌補嘅遺憾。陳煒提到母親於多年前因肝癌病逝，90歲嘅父親於3年前突然離世，令佢原定嘅婚禮需延期舉行。佢又回憶起與家人嘅相處點滴，更不禁悲從中來，坦言最大嘅遺憾係對父母嘅虧欠。佢表示同父母相處時間唔夠多，對二人關懷及愛亦唔足夠，呢啲都造成不能彌補嘅遺憾，且一直深埋心底，有時午夜夢迴，佢夢到父母時仍會喊醒。陳煒於《巨塔之后》表現出色，獲網友大讚。陳煒父親3年前離世，令佢要押後婚禮。陳煒覺得自己早年已搬出去住，致同父母相處時間少。陳煒又透露由佢18歲開始，父親就不斷鼓勵佢參加選美，甚至為佢拎埋香港小姐報名表，但因當時怕醜冇報名。直到喺珠海書院就讀會計時，佢先下定決心參選，可惜當時港姐已截止報名，所以先參選亞洲小姐，並贏得冠軍加入娛樂圈。佢指父親對於佢嘅決定非常開心，但媽媽就十分擔憂，陳煒為咗母親唔使深夜等佢返屋企，就選擇搬出去住，卻因此減少同父母相處嘅時間。陳煒指媽媽擔憂佢入行，又會深夜等佢返屋企。爸爸由佢18歲開始，就不斷鼓勵佢參加選美，終一償父願。