【On.cc】巨塔之后︱宣萱超強喊戲喊到抽搐　1 take搞掂零NG

無綫台慶劇《巨塔之后》昨晚（20日）播出第16集，董一妍（宣萱飾）懷疑志明（黃庭鋒飾）母子相認一幕，她一邊強忍眼淚、一邊激動至身體不自覺一再抽搐，將悲痛的情緒極富層次地演繹了出來、配以一對滿載感情的淚眼，獲網民激讚：「她哭得我好心疼」、「她演技愈來愈好，有一點像年輕的阿姐汪明荃」、「宣萱的哭戲從來都很有感染力」、「演技用放大鏡看都無任何瑕疵，好絕」。

談到相關場口，宣萱曾公開表示此場戲最難忘，演戲經驗爐火純青的她、更謙稱場口很具挑戰性：「因為未埋位前，我都未諗到自己將會點做（演），但後尾一Roll 機就做到。」她還大讚庭鋒有驚喜又親切：「佢畀到好大驚喜我，大家 Day 1 見到嗰陣，已經有一種連繫喺度」。

宣萱上演母子相認。

黃庭鋒交足戲。

七情上面。

庭鋒接受訪問時，透露為了好好培養情緒，他與宣萱都進入了「安靜投入Mode」：「我記得嗰日好早已經到咗，因為呢場好緊要。我冇喺拍之前同Jessica（宣萱）講好多嘢，因為我都知道佢都要培養情緒，我驚騷擾到佢，而且我自己都要Focus，要諗吓點演。呢場戲係要好用心咁去感受、所以好難去設計定太多嘢。」雖然場口難度高，但庭鋒與宣萱竟在零NG 情況下順利完成，相當厲害，庭鋒：「我哋拍咗3 take，一個 Wide shot、各自一個Tight shot。我記得嗰一刻我哋都好融入喺個情感入面，同埋每一 Take Jessica（宣萱）都畀咗好大情感我，所以先咁順利。」

庭鋒坦言除因宣萱畀足感情幫到他入戲、宣萱的親切感以及二人平時暢所欲言的相處模式亦甚有幫助：「傾偈過程令我哋變咗好似好耐冇見嘅朋友咁，令到我有少少忘記係演緊戲，咁反而可以幫助我放鬆、從而更投入到做戲！（你哋平時主要講啲乜？）好 Casual 架，姐姐（宣萱暱稱）咩都講架，例如會講吓英國嘅讀書同生活，有時仲會無啦啦講咗英文，好親切。我又試過問佢：『咁多經典劇，你最鍾意邊套（角色）？』姐姐份人都好率直，所以真係咩都會講。」

談到劇中要演繹不少手語動作，獲網民大讚做足功課，庭鋒坦言確是收到手語片已馬上練至滾瓜爛熟，皆因他覺得這樣做出來的手語才自然；他又笑言當年因受到《十月初五的月光》初哥哥「啟發」做手語，故一直想學手語：「所以當我知道要做手語，更加覺得好好玩、好有發揮。」

宣萱眼泛淚光。

之後表現激動。

喊到抽搐。

黃庭鋒挑戰手語。

另一方面，一妍與方欣（陳煒飾）出盡板斧爭做主席，正當大家與一妍都覺得她勝算在握時，志明竟被爆無牌行醫，一妍更被指控早已知情及包庇親子被勒令停職及接受調查，而所謂的「證據」更似是志明錄下來私下交給方欣。到底志明是真的出賣一妍還是另有難言之隱？方欣最終又是否因而逆轉勝坐上明塱主席一位？

戲外陳煒大晒「超逆齡」水着向宣萱下戰書，網民得悉真實年齡後極為感嘆！未知是否為了配合劇情，陳煒早前在社交網大晒靚爆鏡水着靚相，大晒白皙肌膚和零贅肉 Body，看上去比起真實年齡 51 歲明顯年輕一大截，令不少網民大為驚嘆，還引來宣萱留言：「Wah！」陳煒則乘機向宣萱下戰書：「It’s your turn」擺明挑機，非常搞笑。

陳煒繼續針對宣萱。

陳煒大晒逆齡水着。