鍾嘉欣日前在社交平台上載唱歌影片，身穿球衣款式闊身上衣的她對着鏡頭做口形唱歌，表情投入。她唱完一段後便退出鏡頭，其後炎明熹驚喜現身！頭戴Cap帽、身穿藍白間條恤衫的炎明熹舉起V字勝利手勢，畫面打出「神秘歌聲 炎明熹」7個字，惹起網民猜測二人似乎將有合作計劃。

鍾嘉欣今日（21/10）現身旺角出席品牌活動，接受《香港01》訪問時表示：「其實我同佢緣份，係佢啱啱出道嘅時候，我有位好朋友都識佢，而佢就同我講炎明熹同我係同月同日生，當時就諗唔知佢同我似唔似呢，就咁就算。」

鍾嘉欣續說：「就係我要出新歌嘅時候，我突然諗起佢，於是就透過嗰個朋友去搵佢合作出歌，我哋見面傾偈發覺我哋兩個係好似，只係差年份啫，我做得佢阿媽。（佢自組公司做老闆！）其實唔容易，咪當學吓，唔同嘅社會變化，但其實喺過程當中係學到好多嘢。我都係啦，自己走咗出嚟之後，而喺公司嘅時候亦學到好多嘢。」