李施嬅《新聞女王2》配音個半鐘極速完成 與舊愛車崇健拍內地節目傳翻撻

觀眾相當期待新劇《新聞女王2》播出，一眾參演嘅演員期待欣賞辛苦付出嘅成果，繼早前佘詩曼同譚俊彥為劇集配合後， Selena Lee 李施嬅 亦現身配音室，為角色張家妍配音。

施嬅喺監製關文深嘅指導同講解下，正式為劇集配音，當佢以張家妍嘅身份企喺咪前報道新聞時，頓時勾起大家《新聞女王》嘅感覺，更加令大家期待《新聞女王2》嘅播映。施嬅成個配音過程非常投入，又不時飲水令聲線保持最佳狀態，最後只花咗個半小時就完成工作。

早前有傳施嬅跟舊愛健身教練車崇健接拍內地平台節目，並指兩人翻撻成功，施嬅日前分享土耳其疑似婚照。兩人未有任何回應，不過內地平台節目播出預告片，一對曾訂婚三年嘅戀人，施嬅跟Anson Cha參與節目拍攝，並喺節目中傾訴心聲，施嬅話：「男人追女人都是這樣的，一開始就非常用心。」Anson Cha表示：「我覺得我現在都是一樣愛她，這個從來沒變。」