明报：方力申罕谈太太Maple过去获父母支持接纳 感觉如释重负
方力申今年情人节宣布已跟拍拖两年的叶萱（Maple）结婚，父亲节时再报喜将升呢做爸爸。他近日接受查小欣网上节目访问，分享求婚结婚当天一气呵成的难忘回忆，并罕谈父母对女友过去的包容。
方力申坦言已年过40，与Maple相处融洽，又希望父母能早日享受儿孙之乐，当机会出现时，就要毫不犹豫把握。他说：“刚好要去拉斯维加斯工作，注册结婚好方便。妈妈提议乾脆结婚，我就开始筹备。有位好朋友帮我安排一系列惊喜，包括租飞机并挂上‘Will You Marry Me’字句。大家以为好贵，其实只係5位数，庆祝生日时都可以考虑玩吓！”虽然求婚计划万事俱备，过程却接连出现虾碌情况。方力申忆述：“第一个笑话係飞机迟到45分钟，我喺海滩不停拖时间，终于捱到飞机出现就求婚。换衫时，证婚人突然现身，即场注册，求婚加结婚一次过完成！”
求婚讲求惊喜，方力申透露事前差点被妈妈“穿煲”：“太太临时临急话唔去拉斯维加斯，我阿妈就打开口牌：‘你去啦，佢可能会同你求婚！’跟住太太问我，我话冇可能，一定唔会！当离开拉斯维加斯，佢就觉得唔会，因为大家以为拉斯维加斯最容易结婚，但原来洛杉矶都得，佢以为冇咗呢件事，去到真係求婚嗰一刻，佢都愕然，再结婚签字就更加愕然！”结婚当日，方力申身穿粉红色西装，正是去年到英国观看温布顿男单决赛与汤告鲁斯合照时所穿的一套，太太的婚纱更是由他亲自上网订购。他说︰“我都几叻，我太太嗰两套婚纱都係我上网订，佢係模特儿身形，一著就弗﹗”
方力申表示太太Maple除了外在条件，内在美更是与众不同。他说：“佢好唔同，去欧洲旅行返嚟乜都冇买，唔太需要物质享受，食嘢又贴地，同我一样生活简单，佢天真乐观嘅性格亦好吸引我。”谈到早年Maple勇敢发声揭露邪教事件，方力申表示拍拖一段时间后才向父母交代，反应出乎意料地支持。他说：“我妈咪好支持佢，可能大家都係白羊座，敢爱敢恨，觉得做得啱、需要发声就应该讲。当时我拍低咗画面，妈咪揽住佢讲：‘无论你将来同我个仔得定唔得，我都当你係我个女！’我听到真係如释重负，好窝心。”他补充，方爸爸对Maple亦非常疼爱：“一家人食饭，我问阿爸想食乜，佢话：‘你唔好问我，你问Maple食乜嘢！’”目前二人婚后暂住父母家，一家关係融洽。
