資深甘草演員黎宣日前離世 享壽93歲演盡巨星母親
黎宣去世 演员黎宣去世
出身演藝世家嘅黎宣姐曾任香港各電視台演員，從演經歷豐富，其父 黎民偉 有香港電影之父美譽、母 林楚則為知名演員；堂姐 黎灼灼 同樣係粵語片演員、侄女 黎姿 亦同於影視界發展，更曾為TVB當家花旦。
黎宣童年時正值戰亂，年幼時被迫隨家人逃往湛江。雖然當時環境動盪，但係年紀尚輕嘅佢已展現對表演嘅熱情，當時已投身舞台劇表演。和平後，黎宣於廣州完成高中學業，雖已考上大學，但因家境困難無奈放棄升學機會。
佢1949年港，邊學習英文邊從事演員工作，之後曾前往北京繼續學習表演藝術，當時邂逅丈夫高宏，高宏後來成為編劇及導演，曾任無線電視訓練班主任。後來黎宣與丈夫再度南下，於廣州華南話劇團工作，直至 1979 年。
隨住電視業興起，黎宣將事業重心轉往電視劇領域。加入香港無綫電視，憑精湛演技於多部劇集塑造眾多經典角色。好似《大俠霍元甲》、以及《真情》飾演李司棋、薛家燕之母，令觀眾留下極為深刻印象。
《大時代》中飾演丁蟹母親，痛罵鄭少秋同一眾孫仔場景，將角色憤怒同無奈表現得淋漓盡致，成為劇中經典片段。黎宣姐亦曾於《帝女花》、《流金歲月》、《法證先鋒》、《珠光寶氣》等劇集中有出色表現，大多飾演慈祥母親同長輩角色。2012年，黎宣姐完成《Only You 只有您》後正式退休。
2006年，TVB向黎宣頒發萬千星輝演藝大獎，對佢多年來演藝道路上默默耕耘高度肯定，前年初又獲香港演藝人協會頒發傑出大獎表揚。黎宣與丈夫高宏1951年結婚後，攜手走過70多年歲月，兩人育有三位千金，家庭幸福美滿。
