許志安深明偷食後果 晒一相證不敢「做錯事」 自爆遭遇「不幸」：我忍唔到啊
張衞健（Dicky）、許志安、蘇永康和梁漢文（Edmond）曾組成BIG FOUR開騷，吸金力強，BIG FOUR最近再合體，於8月9至11日在紅館舉行三場《BIG FOUR HAPPY TO SEE YOU ALL演唱會2025》，門票早已售罄。四子最近為演唱會積極排練，許志安竟然貼一相，證明不敢「做錯事」。
梁漢文篤魚蛋
梁漢文近日在IG貼出幾近照，穿上灰色背心的他，大晒麒麟臂，雖然正在演唱會排練，但梁漢文與蘇永康、許志安掃街篤魚蛋食燒賣，慰勞自己：「最近呢段時間，我哋幾個都全程投入，落足心機去準備10日後嘅演唱會。雖然我哋最近都會為演唱會食少啲，但係今日綵排完不幸地經過篤魚蛋，我只可以大聲話俾大家聽…我忍唔到啊…一齊篤幾粒先啦。」
許志安大晒成果
許志安亦有將排練照片放上網，大晒操肌成果，而且充滿自信留言：「準備就緒」。許志安日前又更新IG，分享粉絲為眾人訂製的應援薯片，見到薯片包裝上有BIG FOUR演唱會宣傳海報照片，製作相當精美。許志安忍口留言：「應援薯片，完show先食」，蘇永康在帖文下留言：「我又要」。
網民提供建議
不少網民對許志安成功忍口沒有「偷食」點讚，又有不少網民提供建議，直言包裝精美可以在演唱會現場發售：「想要呀，係咪fans都有㗎？」、「可以一邊睇演唱會一邊食囉」、「俾老婆食啦」、「記得每晚完Show拎一箱俾老婆食」。
