罗天宇传被陈母催婚 陈懿德亲口回应：佢主要係同我妈咪倾嘅 | 香港01
陈懿德（德德）今日（16/6）现身将军澳电视城出席《大师兄Welcome Summer大激战》记者会。对于早前她被踢爆素颜与罗天宇带著妈咪同枱食饭。言谈间，有指陈母不时催促二人尽快拉埋天窗，获不少网民送上祝福。
德德接受《香港01》访问时表示：“其实嗰日嘅大计，佢主要係同我妈咪倾嘅，但我就冇乜点特别倾，因为我嗰排都做紧MC嘅工作，变咗我係咁喺度背稿。同埋我好想讲哋好多人都好关注我个样点解会咁愁，原先我谂住唔化妆，啲人一定会唔认得我，就谂住乔装，点知都係俾人认得出。（咁你落咗妆罗天宇认唔认得你先？）咁佢紧係认得我啦，我哋同枱食饭。
（咁即係代表你上妆落妆分别唔大 ）真係嘅？多谢。（天宇同妈咪好啱倾？）佢哋係好啱倾，有好多共同话题，因为佢哋两个都係打Golf，变咗佢哋都一齐去打。（关係好密切？）都係㗎，佢哋係好好朋友，比我更加好嘅朋友。（佢係女婿！）嗰啲讲啫！（而家未係住啫！）一日唔係，都係未係。（係囉，行咗礼就係！）哈哈，唔係都係係，未係嘅标准任你讲。”
