麥玲玲師傅今日（22/3）現身將軍澳電視城出席無綫真人騷《女神配對計劃》節目擔任評審，會見不同男參賽者。席間有一名大隻男參賽者更即場除衫大騷46吋驕人胸肌，加8舊腹肌，令人目不轉睛。而麥玲玲師傅亦抵抗不住引誘，輕觸對方身體，表現得相當怕醜，惹起全場尖叫聲，將現場氣氛炒熱。
麥玲玲師傅接受《香港01》訪問時表示：「其實點解唔敢再摸耐啲，一陣我怕人哋覺得我騷擾佢，加上人哋已經有咗心意目標，變咗我哋呢啲中年嘅女人就唔好亂咁去摸人。而我都成日教啲男仔明星，千祈唔好俾嘅中年女人摸，要說不。其實我本身係保守。但到我哋呢個年紀，係對智慧同錢多嘅追求多啲嘅。」
