冯盈盈连环到学校任讲座嘉宾 终极回应离巢传闻：筹备紧开公司
前港姐冠军冯盈盈当选之后加入TVB极速上位，更在综艺节目凭大胆开放言论被封为“性女”，吸尽眼球。但好景不常，有指冯盈盈经历过被TVB雪藏之后，心灰意冷，明白到花无百日红的道理，决意增值自己，扚起心肝重拾书包完成食品市场管理及营销学硕士课程。同时有意改行知性气质路线，除了连环发布正能量片段，近日更不停到各区学校担任讲座嘉宾，令离巢传闻甚嚣尘上。
今日（7/3）冯盈盈现身将军澳电视城出席无綫《饮茶》宣传造势活动，就事件接受《香港01》访问时表示：“嗱，一定会继续做呢行，因为艺人永远係我职业，长期都喺呢度发展，同埋会不断咁拍节目嘅。至于会唔会有啲新尝试，例如去学校度开讲座，讲真未来都想尝试吓有自己嘅教育事业同埋会开公司，变咗依家都筹备紧开公司。
而讲座方面主要都係讲学习读书嘅心得，又或生涯规划，又或者点样去平行自己嘅心理压力，同埋学习面对压力咁样囉。（同TVB倾咗续约问题未？）呢个问题要问经理人喎。”
此时身旁罗家英插嘴说：“唔续约嗰个係笨蛋。”（家英哥咁讲係咪好大压力，唔敢唔续约？）冯盈盈面露尴尬说：“我谂我嘅经理人好大压力，因为听到家英哥呢一句。”
