佘詩曼和楊茜堯當年曾經共同主演TVB經典宮鬥神劇《宮心計》，之後兩位已經甚少合作，她們昨日（19日）出席「77工作室春茗暨慶功宴」，並接受訪問表示：「《宮心計》啦！真係已經好耐，超多年。」被問到二人會否希望繼續合作，佘詩曼表示：「快啲寫個好劇本畀我哋。」楊茜堯則表示：「如果有好劇本，不妨撮合我哋。」
講到較早前有傳鍾澍佳構思電影劇本，希望邀請佘詩曼、宣萱和楊茜堯一起參與演出，她們異口同聲表示：「冇聽過喎！」至於會否希望真的達成這件事，佘詩曼笑說：「睇劇本啦！」提到較早前開直播是否希望共同參演《家族榮耀》的續集，楊茜堯說：「要睇吓故事嘅延續性唔可以夾硬嚟！」談及當年共同拍攝許多的經典電視劇最難忘的戲份，楊茜堯笑言：「合作過《Yummy Yummy》同埋《倚天屠龍記》。」佘詩曼繼續指最難忘《宮心計》，並表示：「佢（楊茜堯）令到我好傷心，佢做埋呢啲嘢，我對佢咁好。」講到若果日後再有機會二人共同演出，佘詩曼表示：「（角色）都冇乜所謂，最緊要吸引。」
