王敏奕（Venus）今日（13/2）現身九龍灣出席汽車品牌活動。王敏奕接受《香港01》訪問時表示：「自己都有十幾年揸車經驗，變咗會鍾情一啲空間感大啲嘅車，無論揸車又或者做乘客嘅時候，都會坐得自在舒服啲。同埋音響對我嚟講亦都好重要，有好嘅音質，聽起歌上嚟都係一種好嘅享受嚟。」
對於近日有傳TVB員工加薪後反被削減加班費，加人工竟變相減薪，日前總經理曾志偉受訪時表示未有聽說：「等我返去check吓先。」王敏奕亦五字回應「對我冇影響」，她表示：「自己冇聽過呢樣嘢。（對你有冇影響？）其實我唔係呢啲合作形式嚟，變咗對我嚟講係冇影響。（如事件屬實會否影響士氣？）又冇真係感受到，我仲見到大家新年都好開心。（會唔會向老爺曾志偉求證？）哈哈，唔會啦。」
