艺人专访丨萧正楠揭秘新年安排，曝翠如怀孕后口味大变
萧正楠早前出席TVB贺年节目直播，接受传媒时访问自曝佢嘅新年及作为新手奶爸的日常。阿萧新年期间收到超多朋友送嘅糕，雪柜都摆满晒，连出面都摆咗啲唔易发霉嘅糕。佢笑言：“初二三就要尽量食晒佢，因为都系大家嘅心意嘛！“原来活动当日佢仲收到差唔多十个糕，真系多到食唔晒！
阿萧透露初二要去中山工作，同嚟自香港嘅旅游朋友一齐玩一晚。做完Show佢会即刻返香港，因为路程有啲远，坐车可能要三个钟。佢话：“我一唱完歌就即刻上车返嚟，唔想喺车度逗留太耐。”其余时间佢就可以陪屋企人同朋友，有啲朋友会嚟萧正楠屋企拜年，佢哋就买咗啲盘菜，大家开开心心食餐饭。佢话：“唔使搞咁多嘢，整个盘菜咩都有，唔使净系得几个餸，咁就ok喇！”
谈到屋企人自然要说怀孕的太太黄翠如，阿萧爆料说黃翠如以前一啲辣都食唔得，酸菜鱼都觉得好辣，但依家就开始钟意食辣喇，每样嘢都想加啲辣，“有时我会呃佢，整少少红色嘅嘢落佢碗度，当系辣椒酱。今日食糕嘅时候，佢觉得好难食，就行到一边，点知翠如就行过嚟攞佢嗰啲辣椒酱，口味真系改变好大！”
新手爸爸阿萧更自曝已经上了专门的育婴课程，“落咗水帮佢冲凉，试水温，仲要换片同埋帮佢着衫。一堂课就教咗咁多嘢，其实真系有好多嘢要搞。我估唔到个BB咁细粒，原来要用好多嘢包住佢，有毛巾、底衫、纱巾，仲有尿片之类嘅。仲原来小朋友好容易冻亲，所以帮佢着衫嗰阵动作要快啲。嗰日个假BB有啲“硬颈”，始终要面对真实嘅BB，先至知点样去处理。不过暂时嚟讲，我觉得我已经学识嗰啲步骤喇。（有冇出咩错呀？）冇呀，老师仲话我记性好。梗系唔会一模一样啦，但佢教过嘅嘢，我大概都记得。例如先洗面，跟住洗头，最后先放佢落去浸。我系觉得呢件事唔可以马虎，因为如果我学得唔好，受罪嘅系我哋个BB。所以如果我做得唔啱，老师一定要指出来。翠如都有一齐学嘅，我哋一齐去照顾个假BB，佢唔识做嘅就跟住我做。”
“（你觉得同佢边个叻啲呀？）哈哈，唔会去比较边个温柔啲嘅，主要系自己嘅BB嚟嘅。我相信就算我唔 喺度，佢去照顾BB帮佢冲凉，都会做得好嘅，所以我唔太担心。不过头先你咁讲，我好似又有啲担心喇。我每次都系专登嚟学嘅，最近我反应都慢咗，转数都唔够快。”
阿萧家中布置好了BB房以及其他的必需品，“都准备得七七八八啦，好似人哋讲嘅“走佬袋”，都仲未准备好。听讲唔使咁早执，入院前一个礼拜左右先将啲嘢放落去。所谓“走佬袋”，咪即系佢需要啲乜嘢，我到时执好咪得啰。我会照顾好佢嘅，唔使担心，我梗系会睇住佢啦。 ”
阿萧同太太前排去睇熊猫，见到一对熊猫姐弟，真系好得意！佢哋成日争住嗰条树干嚟晒太阳，好生性㗎！阿萧感慨道：“见证咗一个新生命嘅出现，感觉好似陪住佢一齐长大噉。今次见到嗰对姐弟熊猫，真系好有感觉。佢哋啱啱出世嗰阵得啲肉色，好似个手掣咁细，依家已经变到好似大公仔咁，重十kg啦！（买啲熊猫嘅嘢返去畀bb呀？）梗系唔使啦，屋企已经有两只熊猫公仔，系负责“照顾”bb 嘅。唔使特登买熊猫衫畀bb 啦，我哋啲朋友已经买咗好多唔同款嘅熊猫嘢畀我哋，不过我哋暂时仲未得闲拆，全部都放咗喺bb房，未睇到系啲乜嘢，但梗系有好多公仔嘅啦。”
