明报：台庆颁奖礼2024｜出炉视帝后张振朗龚嘉欣回应被指爆冷
张振朗在《万千星辉颁奖典礼2024》上连夺“最佳男主角”及“马来西亚最喜爱TVB男主角”两个视帝奖。张振朗说︰“终于忍唔住喊，因为拎马来西亚视帝之后，冇谂住攞呢个，所以当宣布嘅时候真係忍唔住，我同自己讲唔可以喊，但係太突如其来。”
对于被指爆冷，他说︰“你哋觉唔觉得我係爆冷？我要多谢姚子羚，佢做宣传嘅时候已经叫我做‘视帝朗’，真係畀佢讲中咗，要请佢食饭。头先仲话谂住攞完马来西亚视帝之后再等多几年先，点知等咗50几分钟就中咗。我觉得要还神，做番多啲善事，可能係上世积落嘅福。”
张振朗说很爱演戏，不会因为得奖而有压力。他被问到如今事业有成绩可会结婚时说︰“依家攞奖，应该睇钱先，搵多啲钱，希望可以买间大屋畀屋企人住。（多谢女朋友？）我第一次嗰阵时已经多谢咗，大家重温片段就会睇到（同女友一齐庆祝？）当然会。”
视后龚嘉欣表示宣布得奖结果时心跳很快︰“头先两位颁奖嘉宾话结果好惊喜嘅时候，我心跳好快，心谂有冇机会呢？依家嘅感觉好似好梦幻咁，事前冇谂过拎奖。” 对于被指爆冷，张振朗撑龚嘉欣向来好戏，得奖是实至名归。龚嘉欣说︰“唔会因为被指爆冷而唔开心。奖项有限，好难攞，我冇谂太多，每一个角色都当最后一次去做，我尽咗力。”
大马视后张曦雯被问到得奖是否代表会结婚时说︰“我之前讲嘅係本地视后，呢个都唔係。男朋友惯咗，我只要同佢交代咗就得，我头先喺台上面都有多谢佢。 （你话求婚喎﹗ ）但係我头先冇咁嘅衝动，所以就冇啦﹗ （如果拎本地视后就有衝动求婚？）睇吓点﹗我同张振朗5年前一齐拎飞跃奖，5年后我哋一齐攞马来西亚视帝同视后，依家仲一齐开紧工﹗ （希望几时再一齐拎埋本地视帝视后？）再加多5年囉，一步步。”
