新剧资讯丨《模仿人生》
阵容：张曦雯、罗子溢、张振朗 、陈桢怡、郭珮文等
《模仿人生》剧讲述女主角Kelly因胞姐亏空公款而坐冤狱，更几乎丧命，及后得商业间谍特务中心首领相救，将她训练成外热内冷的间谍，她利用组织向城中为富不仁者展开连串复仇计划，剧情紧凑兼悬疑，一众演员目前云集片场试造型及围读，准备日内正式开镜。Kelly今次的角色甚具挑战性，单是戏服已准备了百多套，让她华丽登场。
Kelly受访表示：“今次真系有好多唔同嘅造型，而子溢嘅家族就系我复仇嘅对象，佢仲系我嘅终极目标。呢个角色系个好好嘅演员，对住唔同人就有唔同嘅一面，唔可以话好奸，但一定系好狠同好辣嘅！我仲要应付好多动作戏，亦会喺冬天拍落水戏。”谈到子溢及振朗，她指以往已分别结过片缘，默契十足之馀，更是私交甚笃。
至于子溢为今次角色造型花尽心思，驳长发并以Smart casual打扮演城中富二代，他预告：“我个角色为求目的不择手段，害到人家破人亡！我对Kelly又爱又恨，关系复杂，好彩近年我处理过唔少类似嘅家族剧，都算有啲把握。（觉得最难系乜？）搵突破点，唔想畀人嘅感觉同以前一模一样嘛！”为了投入演出，他坦言这段时间即使没有自己的通告，亦不会请假回港。
振朗表示：“我个角色主要保护Kelly，喺身边帮佢。我本身系执法人员，辞职后因为工作同Kelly有接触，当然我唔知佢系间谍，所以一直保护佢，喺佢未出手时，我已经出咗手，喺佢有生命危险之前，我已经解除佢嘅生命危险！（咁即系好好身手、好多动作戏？）无论要唔要打都好，我都已经准备好。”原来该剧还有“长腿美人”陈桢怡及无綫咪神郭珮文参与演出，未知与振朗是否有感情线。
