廉政行動2024｜羅子溢劇中做線人被追斬過足戲癮：途人以為係真
陳星妤首次演執法人員剪短秀髮
羅子溢、陳星妤今晚現身電視城出席台慶劇《廉政行動2024》首映禮。羅子溢在新劇中飾演線人，而且在戲中經常被人追斬，加上與電影導演合作，過程令他回想起當年拍攝《古惑仔：江湖新秩序》：「劇入面我嘅角色本就唔涉及任何罪案當中，但好多嘢都係合情，成日就同自己講好多嘢唔關自己事，隻眼開隻眼閉。但到做咗爸爸次後，就好想自己囡囡可以喺一個健康嘅地方長大，同埋自己做好榜樣。就係咁樣，到最後係不斷咁俾人追殺。」子溢又提到拍攝追斬戲拍得很過癮：「因為好耐都未試過喺一啲鬧市拍過呢啲戲，睇到啲途人嘅反應，佢哋以為係真發生緊罪案，嗰個氣氛又真係幾過癮。」
陳星妤在新劇中飾演ICAC助理調查主任，為了配合這個新角色，她不惜將一頭長秀髮剪短，以新形象示人：「今次係我第一次演執法人員，為咗呢個角色我剪走咗十吋長嘅頭髮。而當中對我嚟講最難係要熟讀ICAC執法時嘅用語，而且演嘅時候神情又要好嚴肅，同埋又要好專業，變咗一字一眼都係好重要，唔可以講錯，咁所以同平時講說話嘅用語都會好大分別。」
星妤續說：「喺我拍呢套劇嘅時候，我都係拍緊另一套劇集《金式森林》，變咗試過係拍完呢套劇之後，又要緊接住拍另一套劇，我係試過唔夠瞓冇精神，到埋位拍嘅時候，要我講ICAC嘅執法用語我係講得唔係咁好，不過好彩當時只係拍我一個人，如果有對手嘅話我都幾大壓力。」
