今日係父亲节！

大家同自己嘅老窦

讲咗节日快乐未呀？

近日

一直想撇甩“靠爸爸”标签嘅

谭俊彦Shaun

就差啲唔记得父亲节

被问到父亲节点过

只记得自己係老窦

唔记得做咗老窦都仲係仔

同老婆讲“点过无所谓啦”

遭到老婆指责

问佢“你老窦（要点过）呢”

Shaun先突然醒悟

//////

其实

忘记过节都情有可原

自从荣升TVB前排艺员后

谭俊彦拍戏就冇停过

埋头拍剧搞到无暇过节

上年

Shaun在《新闻女王》

《爆裂点》中饰演嘅

贴心暖男、凶狠毒枭

被赞攞视帝係实至名归

更有赶超爸爸狄龙之势

口碑逆转之后

Shaun更加专注拍剧

近日新剧《麻雀乐团》

迎来煞科

谭俊彦再次同姜大卫合作

在剧中两人已经好有默契啦

不过网友又提起

姜大卫同狄龙40年来嘅恩怨

当年狄龙同姜大卫

从“手拖手”变“大打出手”

曾经嘅老友鬼鬼

变成扬言要“各行各路”

前几年，

狄龙受邀为姜大卫颁奖

两人喺台上几乎零交流

场面略显尴尬

谭俊彦夹喺中间

就选择无视两人恩怨

一边靠住爸爸

一边同姜大卫拍档

演过父子、师徒

姜大卫早前接受访问

大赞谭俊彦好勤力

叻过自己仔仔

咁识冧长辈

唔怪得网友话佢情商高

//////

除咗呢部剧

谭俊彦嘅存货都唔少

坚守完《麻雀乐团》

最后一场爆汗戏

Shaun就即刻奔赴横琴

参与献礼剧

《寻梦琴澳》嘅记者会

据说呢部剧

剧情有啲似《香港人在北京》

仲有胡定欣、林夏薇、

张曦雯、陈展鹏、马国明参演

早前

谭俊彦带住《企业强人》

参加咗TVB年中巡礼

呢部戏陈豪都有参演

两位“爱妻号”北上取景时

日日视讯冧老婆

Shaun透露年尾

佢有份拍摄《新闻女王2》

所以工作都排到明年啦

//////

虽然忙到七彩咁

Shaun都不忘屋企人

特别经过老婆批评后

Shaun就承诺父亲节

会同老窦饮早茶

对于仔囡

佢坦言自己想学老窦做严父

但就以失败告终

最大嘅阻力源自爸爸

因为狄龙唔俾佢对啲孙太恶

月初时

Shaun晒出囡囡庆生宴

全家福揽埋一起

精致蛋糕加长文表白

将囡囡宠成小公主

无论家庭定事业

Shaun都顾得好掂啊

大家都要记得

多陪下屋企人喔~

靓show开售

关心妍

《约》22周年巡回演唱会2024

—东莞站

“关家姐”嘅靓声又嚟啦

同歌迷嘅约定佢一定记得

大家合唱嘅声音佢亦非常期待

唔知今次囡囡“心心”仲会唔会登台咧

嚟“可乐生活”官方抖音号抢飞

就可以现场见啦

吴若希

IN·POSSIBLE-广州站

吴若希巡演首站惊喜不断

MV男主现身劲sweet

Jinny化身“舞娘”超吸睛

广州係佢过去首次开个唱嘅舞台

再次回归

势必有更大、更劲爆精彩呈献

喺“可乐生活”官方抖音号就可以买飞啦

艾怡良

不想忘记的名字们-厦门站

不停开show、不停售罄

“姨娘”嘅声音实在受欢迎

【上海站】嘅门票已经售罄

【厦门站】仲有少量余票

想成为佢“不想忘记的名字们”

快啲去“可乐生活”官方抖音号

抢飞啦

来源：可乐生活Color微信公众号

编辑：张子殷

审核：曾敏妍

签发：骆苹