罗家英谈遗产为汪明荃留物业及保险,购墓地盼夫妻合葬遗憾没子女! 罗家英最近接受查

娱圈咩咩咩 2025-08-10 14:17:54

罗家英谈遗产为汪明荃留物业及保险,购墓地盼夫妻合葬遗憾没子女! 罗家英最近接受查小欣主持YouTube 频道「红查馆」访问,日前(8日)播出压轴「感情篇」下集,家英哥坦言对身后事已有全盘计划与安排,特别买下一层楼、两份保险,留给爱妻汪明荃(阿姐),甚至购置两幅相连土地,誓与阿姐生死与共、长伴千世纪! 相交多年,查小欣感觉婚后的阿姐,变成爱做家事的贤内助,家英哥认同:「佢好钟意做屋企嘢,钟意抹台、执嘢、搬花盆,将啲凳搬上搬落,(咁你有工人㗎嘛?)渠咪叫工人做,但你唔好旨意你做慨嘢叫我做,no!我喺屋企系休息慨,你唔好理我挞喺边度,小小地方我就瞓得㗎啦,所以而家我有间屋做后备,喺广播道,随时嗌交就去住啦!」阿姐何事会辣着家英哥?家英哥犹有余怒:「我真系嬲!揸车千祈唔好俾个女人坐你隔篱,叫你行呢度、行嗰度,唔准转弯、唔准咩,几烦,最好(阿姐)眯埋对眼,遮住瞓觉!」 话虽如此,家英哥实则十分疼惜阿姐,证实四度患癌后,问到有没有预备遗嘱,家英哥直言:「我最近做咗好多嘢,买咗两份投资保险同基金保险,写咗渠(阿姐)个名,仲有我哋排戏慨地方,楼上十二楼,我都买咗,我话有乜嘢事,呢层楼系你慨!」阿姐有什么反应? 「渠知道,我话咗俾佢听,渠慨反应系点呢?冇嘢,全无表示!」家英哥自言思想传统,来日百年归老,他说会倾向土葬:「我已经买咗块地,(买唔买埋阿姐嗰份?)买埋!买咗两幅,买咗成十几年啦,呢啲好简单,睇你有冇钱去买! 对于生死话题,家英哥与阿姐并无忌讳,平时亦会讨论一下,家英哥说:「我估计,都系我走先过渠,渠身体唔错,但我想迟过渠走,我可以照顾渠,等渠放心,我唔会要渠啲钱,讲明㗎啦! (两公婆使唔使吓吓讲钱? )要,绝对要!你唔好唔讲,讲清楚大家冇芥蒂!(点解你要咁清楚同阿姐讲呢个问题?)因为渠需要我讲清楚,女人对钱好重要,啲钱系渠自己辛辛苦苦赚返嚟,佢唔会立乱去洗,亦都唔会将钱使喺我身上,最多买件衫我着吓,大家食饭都要AA制。」 家英哥现居于阿姐市值估计超过6000万元西贡银线湾豪华别墅,被问到会否需要交租,家英哥说:「差唔多,交半个床位租,(工人使唔使分清楚?)唔使,我同渠讲,我同你结婚,你嫁夫随夫,你不如按照我生活去做,我照顾你,啱唔啱?我包晒!但而家唔系,系我入赘俾你喎,我去你屋企住,你要你咁慨生活,要咁慨包装,我冇能力,亦都话唔想,所以你唔好旨意我负责呢样嘢!(咁你负责啲咩呢?)俾啲家用啰,梗系有五位数字,掂唔到六位。咁佢又ok呀,每个月过数俾佢慨助手!」 面对未来珍贵的八、九年,家英哥渴望过着随心所欲、自由自在的日子:「好似雀鸟喺天空,呢度飞吓、嗰度飞吓,呢度好食就食、嗰度好住就住,呢个系一个妙想嚟慨啫,我钟意啲清静无瑕慨地方,睇吓山、睇吓水,去参透吓生死命题!(会唔会有遗憾,想喺呢个时候弥补? )唔要求,唔好谂咁多嘢,我冇遗憾,我样样嘢都想做,样样嘢都做唔到,不如唔好做,做到就做,做唔到就算数,唔好逼自己!(冇小朋友系唔系一个遗憾?)小小遗憾,但系有好有唔好,因为冇仔女,你就冇后顾之忧,最多就系我慨一生功力——做大戏,我冇一个后人承继,虽然有徒弟,但唔系有血缘!」喜见家英哥依然态度积极,更祝愿自己长命百二岁,「一定要长命过邵逸夫!」

0 阅读:0
娱圈咩咩咩

娱圈咩咩咩

感谢大家的关注